Природен мед и медни производи за секој дом.

Повеќе од 50 години, Про Мед ја гради својата приказна врз љубовта кон пчелите, почитта кон природата и семејната традиција. Она што започнало како искрена посветеност на пчеларството, денес е препознатлив македонски бренд кој на своите потрошувачи им нуди природни пчелни производи со врвен квалитет.

Нашата приказна се пренесува од генерација на генерација. Долгогодишното искуство, стекнатото знаење и постојаната желба за усовршување претставуваат темел на сè што создаваме.

Во 2002 година, дипломираниот земјоделски инженер Гоце Мирчески ја основа И.З. Про Мед со јасна визија – да ги спои традиционалните вредности со современите принципи на пчеларството и да понуди производи во кои потрошувачите ќе имаат целосна доверба.

Денес, Про Мед располага со повеќе од 500 пчелни семејства, распоредени на внимателно избрани локации – стационарни пчеларници во Секирци и Сарандиново, како и селидбен пчеларник во регионот на Македонски Брод.

Во секоја тегла Про Мед се наоѓа само она што природата го создала – без компромиси, без непотребни додатоци и со максимална грижа во секој чекор од процесот, од пчеларникот до вашата трпеза.

Про Мед – природен квалитет создаден со знаење, традиција и љубов кон пчелите.